Asosiy matnga o‘tish
CAPI Platform
KirishRo‘yxatdan o‘tish
Hisobot · sarfdan sotuvgacha

Qaysi reklama sotuv keltiryapti? Kreativ bo‘yicha hisobot

CAPI Platform (capip.uz) hisoboti Meta’dagi reklama xarajatini CRM’dagi (Bitrix24, amoCRM yoki capiCRM) natija bilan bitta jadvalga qo‘yadi. Har bir kreativ, e’lon, ad set va kampaniya bo‘yicha: qancha pul ketdi, nechta lid keldi, nechtasi sifatli chiqdi, nechta sotuv bo‘ldi va bitta mijoz qanchaga tushdi. Ads Manager lid narxini ko‘rsatadi, bu hisobot — qaysi reklama sotuv keltirayotganini.

  • Xarajat, lid, CPL, sifatli lid, CPQL, sotuv, CAC, tushum va ROAS — bitta jadvalda
  • Kreativ, e’lon, ad set va kampaniya kesimida
  • Qatorlar emas, odamlar sanaladi
  • Bitrix24, amoCRM yoki capiCRM bilan ishlaydi
Ro‘yxatdan o‘tishAriza qoldirish
Avtomaktab reklamasi hisobotidagi to‘rt ko‘rsatkich: xarajat 885 $, reklama lidlari 863 (CPL 1,03 $), sifatli lidlar 335 (CPQL 2,64 $), sotuvlar 36 (CAC 24,58 $).
Avtomaktab, 02–08.10.2026: xarajat, reklama lidlari, sifatli lidlar va sotuvlar. Dastur ekrani.
Tanish bahs

Lid narxi zo‘r. Sotuv-chi?

Ads Manager’dagi hisobot lidda tugaydi. Sotuv esa CRM’da bo‘ladi — qo‘ng‘iroq, uchrashuv va to‘lovdan keyin.

Yozishma — tasvir uchun; raqamlar — real hisobotdan (avtomaktab, 02–08.10.2026). Ikkalasi ham o‘z raqamida haq: biri reklama kabinetiga qarayapti, ikkinchisi — CRM’ga. Hisobot ikkala raqamni bitta qatorga qo‘yadi.

Targetolog
  • Bu hafta 863 ta lid keldi. Sotuv — 36 ta.
  • Lid narxi 1,03 $. Zo‘r natija-ku.
  • Mana shu reklama: 79 ta lid, 0 ta sotuv.
  • Ads Manager’da u “eng yaxshi” reklama bo‘lib turibdi.
Real misol · avtomaktab, 02–08.10.2026

79 ta lid — 0 ta sotuv. 77 ta lid — 5 ta sotuv

Birinchi kreativ lidni 0,87 $ dan beryapti: Ads Manager’da bu “eng yaxshi” reklama. CRM’da undan bitta ham sotuv yo‘q. Ikkinchisida lid 1,28 $ — 47 % qimmat, lekin natijasi boshqa: 77 ta lid, 26 tasi sifatli, 5 ta sotuv. Ikkalasi bitta loyihada, bitta haftada ishlagan — farqni faqat CRM’dagi natija ko‘rsatadi.

  • Lid narxi bo‘yicha saralasangiz — birinchi kreativ yutadi.
  • Sotuv bo‘yicha saralasangiz — ikkinchisi.
  • Jadvalda ustun sarlavhasini bosib, istalgan ko‘rsatkich bo‘yicha saralaysiz.
Maqola: qaysi kreativ sotadi
Hisobotdagi ikki kreativ: birida 79 ta lid 0,87 $ dan va 0 ta sotuv, ikkinchisida 77 ta lid 1,28 $ dan va 5 ta sotuv.
Ikki kreativ, bitta hafta. Dastur ekrani.
Shu haftaning o‘zida

386 $ — sotuv bermagan 23 ta kreativga

Avtomaktab, 02–08.10.2026. Haftalik xarajat — 885 $; shundan 44 % bitta ham sotuv keltirmagan kreativlarga ketgan.

sotuvsiz kreativlarga ketdibyudjetning 44 %
386 $
kreativ pul sarfladi, sotuv bermadi
23
sotuv — shu haftadabitta mijoz narxi (CAC) — 24,58 $
36
ROASCRM’da qayd etilgan tushum — 5 297 $
5,99×

Bu — bitta loyihaning bitta haftasi, natija va’dasi emas. Sotuvsiz kreativning hammasi ham yomon emas: yangi kreativning lidlari hali to‘lovgacha yetmagan bo‘lishi mumkin. Shuning uchun hisobotda ikki hisoblash usuli bor — ular quyida.

Ko‘rsatkichlar

Hisobot nimani ko‘rsatadi

Sarfdan sotuvgacha hisobot — reklama xarajatini CRM’dagi natija bilan bog‘laydigan jadval: xarajat → lid → sifatli lid → sotuv, har bir kreativ uchun alohida. O‘ng ustunda — avtomaktabning bir haftasi.

Ko‘rsatkichQanday hisoblanadiAvtomaktab, 02–08.10.2026
XarajatMeta’dan olinadi, har soatda yangilanadi885 $
LidlarCRM’ga tushgan va aniq e’longa bog‘langan odamlar863
CPL — bitta lid narxixarajat ÷ lidlar1,03 $
Sifatli lidlarCRM’da “sifatli lid” deb belgilangan bosqichga yetganlar335 (39 %)
CPQL — bitta sifatli lid narxixarajat ÷ sifatli lidlar2,64 $
SotuvlarCRM’da sotuv bosqichiga o‘tganlar36
CAC — bitta mijoz narxixarajat ÷ sotuvlar24,58 $
TushumCRM’da qayd etilgan bitim summalari, hisobot valyutasida5 297 $
ROAStushum ÷ xarajat5,99×

Qo‘shimcha ustunlar: ko‘rsatishlar, kliklar, CTR, CPC, CPM, sifat % va sifatsiz lidlar. Narx ko‘rsatkichlari faqat reklamaga bog‘langan lidlar bo‘yicha hisoblanadi: o‘zi kelgan mijoz yoki reklamaga bog‘lanmagan qo‘ng‘iroq reklama xarajatiga yozilmaydi.

Voronka

Lid → sifatli lid → sotuv: pul qayerda qolyapti

Voronka bloki davrni uch qadamga ajratadi. Avtomaktabda shu hafta: 863 ta lid, 335 tasi sifatli (39 %), 36 ta sotuv. Strelkadagi foiz — keyingi bosqichga o‘tganlar ulushi. Yuqori qatorda reklama lidlari, pastki qatorda CRM’dagi hamma lid turadi.

  • Sifat foizi past — savol reklamaga: u kimni olib kelyapti?
  • Sifatli lid ko‘p, sotuv kam — savol sotuv bo‘limiga.
  • Qaysi bosqich “sifatli lid”, qaysi biri “sotuv” — CRM voronkangizga qarab bir marta belgilanadi.
  • Meta o‘zi shu haftada 863 ta lidni ko‘rdi, 36 ta sotuvning birortasini ko‘rmadi. Buni Conversions API hal qiladi.
Hisobotdagi voronka: 863 ta reklama lidi, ulardan 335 tasi sifatli (39 %) va 36 tasi sotuv (sifatlilarning 11 %); har bosqich yonida CRM’dagi jami son.
Voronka: lid → sifatli lid → sotuv, bosqichlar orasidagi foiz bilan.
Kesimlar

Hisobotni qanday kesimda ko‘rish mumkin?

  • Kreativ, e’lon, ad set, kampaniya

    Guruhlash bitta tugma bilan almashadi. “Kreativ nomi” ko‘rinishida bir xil nomli e’lonlar birlashadi — kreativ bir nechta ad setda ishlasa, eng to‘g‘ri manzara shu.

  • Davr va taqqoslash

    Bugun, kecha, 7 kun, 30 kun, shu yoki o‘tgan hafta va oy, istalgan oraliq. Taqqoslash: o‘tgan davr, o‘tgan oyning shu kunlari yoki boshqa davr bilan — har katakda o‘zgarish ko‘rinadi.

  • Qator emas, odam

    Bir odam avval forma to‘ldirib, keyin qo‘ng‘iroq qilsa — CRM’da ikki yozuv, hisobotda bitta odam: takroriy lidlar telefon bo‘yicha birlashadi. Sotuv uni birinchi olib kelgan reklamaga yoziladi. Bitrix24’dagi Lid → Bitim ham bitta lid.

  • Bog‘lanmagan lidlar yashirilmaydi

    Qaysi e’londan kelgani aniqlanmagan lidlar kanal bo‘yicha alohida chiqadi — yonida sababi va nima qilish kerakligi. Lidlarning necha foizi aniq e’longa bog‘langani ham yozib qo‘yiladi.

  • “E’tibor bering” bloki

    Hisobot o‘zi aytadi: qaysi kreativlar byudjetning 5 % va undan ko‘pini sarflab, bitta ham sifatli lid bermadi, qaysilarida sifatli lid eng arzon, CPQL o‘tgan davrga nisbatan qanday o‘zgardi.

  • Jadvalning o‘zidan to‘xtatish

    Kreativni shu yerda ko‘rasiz, e’lon, ad set yoki kampaniyani esa jadvaldan to‘xtatasiz yoki qayta yoqasiz. Bu faqat egasi va adminga ochiq; Meta tokenida ads_management ruxsati kerak.

Hisoblash usuli

Sotuv qaysi haftaga yoziladi? Ikki hisoblash usuli

Lid bugun keladi, to‘lov esa uch haftadan keyin bo‘lishi mumkin. Shuning uchun “bu hafta nechta sotuv bo‘ldi?” degan savolning ikkita to‘g‘ri javobi bor. Hisobotda ikkalasi ham bor, bitta tugma bilan almashadi.

Davrdagi hodisalarKogorta (lid yaratilgan sana)
Nimani sanaydiShu kunlarda kelgan lidlar, shu kunlarda sifatli bo‘lganlar va shu kunlarda to‘lov qilganlar — lid qachon kelganidan qat’i nazarShu davrda yaratilgan lidlar va ularning bugungi natijasi: sifatli bo‘ldimi, sotib oldimi
Qaysi savolga javobBu hafta nima bo‘ldi?Shu hafta kelgan lidlar oxiri nima bo‘ldi?
Qachon ishlatiladiHaftalik yakun: CRM’dagi haftalik raqamlar bilan shu usul mos keladiKreativni baholash: lidlari to‘lovgacha yetib ulgurgach
Haftalik tartib

Bu hisobot bilan har hafta nima qaror qilasiz

Haftada bir marta, shu tartibda. Maqsad — pulni lid narxiga emas, sotuvga qarab taqsimlash.

  1. 1

    O‘tgan haftani oching, kreativ nomi bo‘yicha guruhlang

    Taqqoslashni “o‘tgan davr bilan” qo‘ying: har katakda oldingi hafta raqami va o‘zgarish chiqadi.

  2. 2

    Sifatli lid bermayotganlarni to‘xtating

    “E’tibor bering” bloki byudjetning 5 % va undan ko‘pini sarflab, bitta ham sifatli lid bermagan kreativlarni o‘zi ko‘rsatadi. O‘quv markaz misolida (02–08.10.2026) sifatli lid bir kreativda 2,20 $, boshqasida 71,40 $ turdi — 32 baravar farq.

  3. 3

    Sotuv bo‘yicha saralang, pulni sotayotganlarga o‘tkazing

    Sotuv va CAC ustunlariga qarang. Avtomaktabda lidi 47 % qimmat kreativ 5 ta sotuv berdi, lidi 0,87 $ lik kreativ — 0 ta.

  4. 4

    CPQL o‘zgarishini tekshiring

    CPQL o‘tgan haftadan qimmatlashgan bo‘lsa, kesimni kampaniyaga almashtiring: qaysi kampaniya hisobiga ekani jadvalda ko‘rinadi.

  5. 5

    Ma’lumot to‘liqligini ko‘ring

    Lidlarning necha foizi e’longa bog‘langan, nechta sotuvda summa yo‘q? Bular oqsasa, avval hisobni tuzating: reklamalardagi UTM shabloni, lid forma sahifasi, menejerlar kiritadigan summa.

  6. 6

    Xulosani jamoaga yuboring

    Shu hisobotning qisqa ko‘rinishi Telegram’ga har kuni, har hafta yoki har oy o‘zi boradi: eng yaxshi kreativlar va sifatli lidsiz ketgan xarajat bilan.

Telefonda

Hisobot telefonda ham ochiladi

Hisobot brauzerda ishlaydi — kompyuterda ham, telefonda ham; alohida ilova o‘rnatish shart emas. Telefonda jadval kartalarga aylanadi: kreativni bossangiz, batafsil raqamlari ochiladi.

  • Rahbar yo‘lda ham ko‘radi: xarajat, lid, sifatli lid, sotuv.
  • Targetolog mijozga skrinshot emas, jonli hisobotni ko‘rsatadi.
  • Interfeys o‘zbek, rus va ingliz tilida.
Telefondagi hisobot: xarajat 885 $, reklama lidlari 863, sifatli lidlar 335, sotuvlar 36 va lid → sifatli lid → sotuv voronkasi.
Sotuvlar36
CAC24,58 $
Hisobot yonida

Shu raqamlar yana qayerda ishlaydi

Hisobot haqida savollar

Bu hisobotning Ads Manager’dan farqi nima?

Ads Manager reklama ichida nima bo‘lganini ko‘rsatadi: ko‘rsatishlar, kliklar, lidlar va lid narxi. Lid sifatli chiqdimi, sotib oldimi — bu CRM’da. CAPI Platform hisoboti ikkalasini bitta qatorga qo‘yadi: har bir kreativ yonida sifatli lidlar, sotuvlar, CAC va ROAS turadi.

Hisobot qaysi CRM va qaysi reklama bilan ishlaydi?

CRM: Bitrix24, amoCRM yoki platformaning o‘z CRM’i — capiCRM; bitta loyihaga bitta CRM ulanadi. Reklama manbai — faqat Meta (Facebook va Instagram). Batafsil: integratsiyalar.

Hisobot qachondan to‘la boshlaydi?

CRM ulangan kuni oxirgi 30 kunlik tarix hisobotga yuklanadi, shuning uchun taqqoslaydigan raqam birinchi kundanoq bo‘ladi. Eski lidlar Meta’ga yuborilmaydi — ular faqat hisobot uchun.

Direct, WhatsApp yoki qo‘ng‘iroqdan kelgan lidlar-chi?

Ular hisobotda bor, lekin kanal bo‘yicha — “Reklamaga bog‘lanmagan lidlar” qismida, sababi bilan. Platforma ularni e’longa avtomatik bog‘lamaydi. Istisno: shu odam avval Meta lid formasini to‘ldirgan bo‘lsa, telefon bo‘yicha o‘sha reklamaga yoziladi. Meta lid formasidan kelgan lidlar aniq bog‘lanadi; sayt lidlari — reklama havolasidagi UTM (e’lon ID’si) orqali.

Hisobotdagi raqamlar CRM’dagi raqamlar bilan mos keladimi?

“Davrdagi hodisalar” usuli CRM’dagi haftalik raqamlar bilan mos keladi. Bitta farq bo‘lishi mumkin: hisobot qatorlarni emas, odamlarni sanaydi — bir odamning takroriy lidlari telefon bo‘yicha birlashtiriladi.

Menejerlar bitim summasini kiritmasa, ROAS qanday chiqadi?

Tushum — CRM’da qayd etilgan summa, shuning uchun kiritilmagan summa tushum va ROAS’ni kamaytiradi. Hisobot nechta sotuvda summa yo‘qligini ko‘rsatadi. Sozlamalarda standart sotuv summasini belgilasangiz, summasiz sotuvlar shu summa bilan hisoblanadi.

CRM so‘mda, reklama dollarda. Tushum qanday hisoblanadi?

Sozlamalarda hisobot valyutasi va CRM valyutasi alohida belgilanadi. Kurs O‘zbekiston Markaziy bankidan avtomatik olinadi — har bir sotuv o‘z kunining kursi bilan — yoki uni o‘zingiz kiritasiz. Tushum hisobot valyutasiga o‘giriladi va xarajat bilan bitta valyutada turadi.

Narxi qancha?

O‘rnatish — 159 $, bir marta: 3 kunda CRM ulanadi, bosqichlar signallarga bog‘lanadi va sinov signali yuboriladi. Keyin oyiga 40 $: CAPI, shu hisobot, Telegram hisobotlar va oyiga 4 000 lidgacha lid integratsiyasi. Batafsil: narxlar.

Qaysi reklamangiz sotayotganini o‘z raqamlaringizda ko‘ring

Google akkauntingiz bilan ro‘yxatdan o‘tib, Meta va CRM’ni o‘zingiz ulang — yoki ariza qoldiring: 3 kunda ulab beramiz. O‘rnatish 159 $ bir marta, keyin oyiga 40 $.

Ro‘yxatdan o‘tishAriza qoldirish