amoCRM’ni Instagram va Facebook reklamasiga ulash: lid formadan sotuvgacha
CAPI Platform (capip.uz) amoCRM’ni Meta reklamasi — Facebook va Instagram — bilan ikki tomonlama ulaydi. Lid formani to‘ldirgan odam amoCRM’ga bitim va kontakt bo‘lib tushadi. Bitim “sifatli lid” yoki “sotuv” bosqichiga o‘tganda, Meta’ga Conversions API orqali QualifiedLead yoki Purchase signali ketadi. Ulanish — uzoq muddatli token bilan; amocrm.ru, amocrm.com va kommo.com akkauntlari mos. Sayt formalari amoCRM’ga yozilmaydi.
- Lid forma → amoCRM: bitim va kontakt, odatda bir daqiqa ichida
- Voronka bosqichi → Meta: Lead, QualifiedLead, Purchase
- Kreativ bo‘yicha hisobot: xarajat → lid → sifatli lid → sotuv
- Sayt formalari amoCRM’ga ulanmaydi — buni oldindan aytamiz
amoCRM bilan nima ishlaydi, nima ishlamaydi?
amoCRM loyihasida signallar, lid yetkazish, hisobot va Telegram ishlaydi. Bitta narsa ishlamaydi: sayt formasidagi arizani platforma amoCRM’ga yozmaydi.
| Imkoniyat | amoCRM bilan | Izoh |
|---|---|---|
Voronka bosqichi → Meta signali: Lead, QualifiedLead, Purchase | Ha | Bosqichni bir marta belgilaysiz; bitim shu bosqichga kirganda signal ketadi |
| Meta lid formasidagi lidlar → amoCRM | Ha | Bitim va kontakt bo‘lib, qaysi e’londan kelgani bilan |
| Kreativ bo‘yicha hisobot | Ha | Xarajat — Meta’dan; lid, sifatli lid va sotuv — amoCRM’dan |
| Telegram hisobotlar va ogohlantirishlar | Ha | Kunlik, haftalik yoki oylik; nosozlik bo‘lsa — alohida xabar |
| Oxirgi 30 kunlik tarix | Ha | Faqat hisobotga yuklanadi; eski lidlar Meta’ga yuborilmaydi |
| Sayt formasidagi arizalar → amoCRM | Yo‘q | Platformaning sayt formalari faqat Bitrix24 va capiCRM bilan ishlaydi |
| Direct, WhatsApp va qo‘ng‘iroq lidlarini e’longa bog‘lash | Avtomatik emas | Hisobotda kanal bo‘yicha, sababi bilan ko‘rinadi |
| Meta’dan boshqa reklama manbalari | Yo‘q | Faqat Meta: Facebook va Instagram |
Bitta loyihaga bitta CRM ulanadi. Uch CRM’ning to‘liq taqqosi — integratsiyalar sahifasida.
amoCRM va Conversions API: bosqich Meta’ga qanday boradi?
amoCRM’da bitim bosqichdan bosqichga o‘tadi, lekin Meta buni ko‘rmaydi: u faqat forma to‘ldirilganini biladi. CAPI Platform’ning “Voronka” sahifasida amoCRM’dagi har bir voronka o‘z bosqichlari bilan jadval bo‘lib chiqadi. Har bosqichga ikki narsa beriladi: hisobotdagi ma’nosi (yangi lid, sifatli lid, sotuv, sifatsiz lid) va, kerak bo‘lsa, Meta’ga ketadigan signal. amoCRM webhook’i bitim shu bosqichga kirganini xabar qilishi bilan signal navbatga tushadi va darhol yuboriladi.
- Birinchi taxminni platforma qo‘yadi: voronkaning birinchi ochiq bosqichi —
Lead, «Успешно реализовано» —Purchase. “Sifatli lid” bosqichini siz belgilaysiz. - Bitta lid bo‘yicha har bir signal bir marta ketadi — bitim bosqichlar orasida oldinga-orqaga yursa ham.
- Bitim to‘g‘ridan-to‘g‘ri sotuv bilan yopilsa,
Purchasebilan birgaQualifiedLeadham yuboriladi. Purchasebitim summasi (amoCRM’dagi «Бюджет») bilan ketadi, reklama akkaunti valyutasiga o‘girilib. Summa yozilmagan bo‘lsa — summasiz.- Ulanishdan oldingi bitimlar Meta’ga yuborilmaydi: tarix faqat hisobot uchun.
Qaysi bosqichga qaysi signal? Misol voronka
Quyida — oddiy amoCRM voronkasi va unga mos belgilash. Bosqich nomlari sizda boshqacha bo‘ladi, mantiq esa o‘sha: Meta’ga uchta savolning javobi kerak — lid keldimi, sifatli chiqdimi, sotib oldimi.
| amoCRM bosqichi | Hisobotdagi ma’nosi | Meta’ga signal |
|---|---|---|
| Yangi ariza | Yangi lid | Lead |
| Bog‘lanildi | — | — |
| Uchrashuv belgilandi | Sifatli lid | QualifiedLead |
| To‘lov kutilmoqda | Sifatli lid | QualifiedLead — bir lidga baribir bir marta ketadi |
| «Успешно реализовано» | Sotuv | Purchase, bitim summasi bilan |
| Maqsadli emas | Sifatsiz lid | — |
Signal bilan Meta’ga nima ketadi: event nomi va vaqti, telefon va e-mailning SHA-256 xeshi, Meta lid ID’si, bor bo‘lsa — Meta klik belgilari (_fbc, _fbp); sotuvda — summa va valyuta. Ism yuborilmaydi. amoCRM’dan o‘qilgan telefon va e-mail platformada ham faqat xesh va qisman yashirilgan raqam ko‘rinishida saqlanadi.
Facebook va Instagram lid formasidagi lid amoCRM’ga qanday tushadi?
Meta lid formasini (Instant Form) to‘ldirgan odam amoCRM’da bitim va kontakt bo‘lib paydo bo‘ladi. Platforma Meta’dan webhook oladi va formani har daqiqada o‘zi ham tekshiradi — lid odatda bir daqiqa ichida yetib boradi. Sozlamalar to‘liq: lid yetkazish.
Bitim va kontakt
Har bir lid — bitta bitim va unga biriktirilgan kontakt. Shu telefon yoki e-mail bilan kontakt amoCRM’da bor bo‘lsa, yangisi ochilmaydi: bitim mavjud kontaktga ulanadi.
Voronka, bosqich, mas’ul
Har bir forma uchun alohida: lid qaysi voronka va bosqichga tushadi, kim mas’ul, bitim nomi qanday yig‘iladi. Tayyor sozlamani boshqa formadan nusxalash mumkin.
Qaysi reklamadan kelgani
UTM qiymatlari amoCRM’ning UTM maydonlariga yoziladi:
utm_campaign— kampaniya nomi,utm_content— e’lon ID’si,utm_term— ad set nomi. Meta lid ID’si va e’lon ID’si siz tanlagan maydonlarga tushadi; bitimga “Facebook Lead Ads” tegi qo‘yiladi.Formadagi javoblar
Har bir javobni amoCRM maydoniga bog‘lash mumkin; hamma javob bitimga izoh («Примечание») bo‘lib ham yoziladi. Maydon qiymatni qabul qilmasa, bitim baribir ochiladi — javob izohda qoladi.
Ikki marta yozilmaydi
Bitta Meta lidi — bitta bitim: har bir lid Meta’dagi ID’si bo‘yicha yagona hisoblanadi. Yetkazish forma yoqilgan paytdan boshlanadi — yoki oxirgi 3 kun ichidagi siz tanlagan liddan. Eski integratsiyani avval o‘chiring, aks holda lidlar ikki marta tushadi.
amoCRM javob bermasa
Yozishga qayta uriniladi — 1 daqiqadan 24 soatgacha oraliq bilan. Lid 15 daqiqa kutib qolsa, Telegram’ga ogohlantirish keladi. Javoblar qayta urinish uchun 7 kun shifrlangan holda saqlanadi, keyin o‘chiriladi.
Sayt formalari amoCRM’ga ulanmaydi. Yana nima ishlamaydi?
Bu sayt lidlari hisobotdan tushib qoladi degani emas. Saytingiz arizani amoCRM’ga o‘zi yozsa — qaysi yo‘l bilan bo‘lmasin — platforma o‘sha bitimni amoCRM’dan o‘qiydi. UTM maydonlari avtomatik o‘qiladi: reklama havolasida utm_content — e’lon ID’si bo‘lsa, lid o‘sha reklamaga bog‘lanadi. Bosqich o‘zgarganda signal ham ketadi.
- Direct, WhatsApp, Telegram va qo‘ng‘iroq lidlari e’longa avtomatik bog‘lanmaydi. Ular hisobotda kanal bo‘yicha, sababi bilan ko‘rinadi. Istisno: odam avval Meta lid formasini to‘ldirgan bo‘lsa, telefon bo‘yicha o‘sha reklamaga yoziladi.
- Instagram Direct yozishmalarini amoCRM’ga ulash — CAPI Platform ishi emas: bu amoCRM (Kommo) tomonida sozlanadi.
- Bosqichlar o‘zi belgilanmaydi. Qaysi bosqich sifatli lid, qaysi biri sotuv — buni bir marta siz belgilaysiz; biz ulab bersak — siz bilan birga.
- Webhook amoCRM’da qo‘lda qo‘shiladi. Platforma uni amoCRM’da o‘zi ro‘yxatdan o‘tkaza olmaydi; manzil va belgilanadigan hodisalar ulash sahifasida turadi.
- Bitta loyiha — bitta CRM. Ikkinchi biznes yoki ikkinchi amoCRM akkaunti uchun alohida loyiha ochiladi.
- Faqat Meta. Google Ads, TikTok va Yandex ulanmaydi.
Kommo’ning o‘z Meta CAPI integratsiyasi nimani qamraydi?
amoCRM xalqaro bozorda Kommo nomi bilan ishlaydi. Kommo yordam markazida uning o‘z Meta Conversions API integratsiyasi tasvirlangan (hujjat 19.05.2026 da yangilangan). “Kommo” ustunida — o‘sha hujjatda yozilgani, “CAPI Platform” ustunida — platforma qiladigan ish. Ikkalasi turli vazifani yechadi.
| Kommo’ning o‘z integratsiyasi — hujjatiga ko‘ra | CAPI Platform | |
|---|---|---|
| Qaysi lidlar uchun | Instagram, Messenger va WhatsApp Cloud API manbalaridan kelgan murojaatlar | Meta lid formalaridagi lidlar; amoCRM’dagi telefon, e-mail yoki fbclid’i bor boshqa bitimlar |
| Eventlar | Ikkita: Lead va Purchase | Uchta: Lead, QualifiedLead, Purchase; o‘z nomingizdagi event ham mumkin |
| Nima ishga tushiradi | Voronka bosqichi yoki Salesbot | Voronka bosqichi |
| Natija qayerda ko‘rinadi | Meta Events Manager’da | Events Manager’da, platformadagi eventlar jurnalida va kreativ bo‘yicha hisobotda |
| Lid formalar | Kommo Facebook lid formalaridagi lidlarni o‘zi qabul qiladi — integratsiya sahifasiga ko‘ra, barcha tariflarda. CAPI hujjatida bunday lidlar tilga olinmagan | Lid amoCRM’ga yoziladi va shu lid bo‘yicha signal ketadi |
| Reklama xarajati bilan hisobot | Hujjatda tilga olinmagan | Bor: xarajat → lid → sifatli lid → sotuv, kreativ kesimida |
| Narxi | Hujjatda: 1-iyundan boshlab integratsiya faqat Pro tarifida | O‘rnatish 159 $ bir marta, keyin oyiga 40 $ — narxlar |
Manbalar sahifa oxirida; 09.10.2026 da tekshirilgan. Tarif nomi va shartlarini Kommo’ning joriy narxlar sahifasidan aniqlang. amocrm.ru akkauntlarida bu integratsiya bor-yo‘qligini biz tekshirmaganmiz — o‘z akkauntingizda qarang. Asosiy kanalingiz yozishma reklamasi (Direct, WhatsApp) bo‘lsa, Kommo’ning integratsiyasi aynan shuni qamraydi: CAPI Platform bunday lidlarni e’longa avtomatik bog‘lamaydi.
amoCRM qanday ulanadi? 6 qadam
Biz ulab bersak — 3 kun: 159 $ bir marta, keyin oyiga 40 $ (narxlar). Sizdan amoCRM’ga va Meta reklama akkauntiga kirish kerak. O‘zingiz ulasangiz ham tartib shu: ro‘yxatdan o‘tish Google orqali ochiq.
- 1
amoCRM’da uzoq muddatli token oling
amoCRM → «Настройки» → «Интеграции» → shaxsiy integratsiya yarating → «Ключи и доступы» → «Долгосрочный токен». Token platformada shifrlangan holda saqlanadi.
- 2
Loyihaga amoCRM’ni ulang
“Ulanishlar” sahifasida amoCRM manzilini (masalan, kompaniya.amocrm.ru; amocrm.com va kommo.com ham qabul qilinadi) va tokenni kiriting. Voronkalar va bosqichlar o‘qiladi, oxirgi 30 kunlik tarix hisobotga yuklanadi. Eski lidlar Meta’ga yuborilmaydi.
- 3
amoCRM’ga webhook qo‘shing
amoCRM → «Настройки» → «Интеграции» → Webhooks: platforma bergan manzilni qo‘shing va uchta hodisani belgilang — «Сделка добавлена», «Сделка изменена», «Статус сделки изменён». Shundan keyin bosqich o‘zgarishi platformaga o‘sha zahoti yetib keladi.
- 4
Meta’ni ulang
Meta System User tokeni va Dataset (Pixel) ID kiritiladi. Token reklama statistikasini va lid formalarni o‘qishga ruxsat berishi kerak — ruxsatlar ulash paytida tekshiriladi.
- 5
Bosqichlarni signallarga bog‘lang
“Voronka” sahifasida qaysi bosqich sifatli lid, qaysi biri sotuv ekanini belgilang. Bu bir martalik ish: ikki-uch bosqichni belgilaysiz, qolgani o‘zi ishlaydi.
- 6
Sinov signalini yuboring, keyin lid formalarni yoqing
Sinov eventi token, dataset va yo‘lni bitta zararsiz signal bilan tekshiradi. Har bir lid forma alohida yoqiladi: avval ko‘rib chiqish oynasida oxirgi 3 ta real lid amoCRM’ga qanday yozilishini ko‘ring — telefonlar yashirilgan, hech narsa saqlanmaydi. Lidlarni hozir boshqa integratsiya yetkazayotgan bo‘lsa, avval uni o‘chiring.
Signal Meta’ga yetganini qayerdan bilasiz?
“CAPI eventlar” sahifasida Meta’ga ketgan har bir signal turadi: vaqti, event nomi va holati — navbatda, yuborildi, xato yoki o‘tkazib yuborildi. Xato bo‘lsa, signal 1 daqiqadan 24 soatgacha oraliq bilan qayta yuboriladi. Shu sahifada amoCRM’dan kelgan webhook’lar jurnali ham bor: bosqich o‘zgarishlari kelmay qolsa, birinchi shu yerga qaraladi.
- Telefon, e-mail, Meta lid ID’si yoki fbclid’i yo‘q bitim o‘tkazib yuboriladi — sababi yonida yoziladi.
- amoCRM jim qolsa yoki ulanishda xato chiqsa, Telegram’ga ogohlantirish keladi — muammo ogohlantirishlari yoqilgan bo‘lsa.
- Sinov eventi kodi maydoni bor: signalni Events Manager’ning test bo‘limida ko‘rasiz.
amoCRM integratsiyasi yonida
Conversions API
CRM’dagi natija Meta’ga qanday qaytadi: Lead, QualifiedLead, Purchase.
Lid yetkazish
Lid forma sozlamalari: maydonlar, ko‘rib chiqish, jurnal va qayta urinish.
Kreativ bo‘yicha hisobot
Xarajat → lid → sifatli lid → sotuv, har bir kreativ uchun.
Maqola: amoCRM va Conversions API
amoCRM voronkasi bosqichlarini Meta’ga signal qilib yuborish — batafsil.
Bitrix24 integratsiyasi
Bitrix24’da farqi: Lid → Bitim va sayt formalari.
Narxlar
O‘rnatish — 159 $ bir marta, keyin oyiga 40 $.
amoCRM integratsiyasi haqida savollar
amoCRM’ga Instagram’ni CAPI Platform orqali ulasa bo‘ladimi?
Instagram va Facebook reklamasidagi lid formalarni — ha: lid amoCRM’ga bitim va kontakt bo‘lib tushadi, voronkadagi natija esa Meta’ga signal bo‘lib qaytadi. Instagram Direct yozishmalarini amoCRM’ga ulash — boshqa vazifa: u amoCRM (Kommo) tomonida sozlanadi, CAPI Platform buni qilmaydi.
amocrm.ru, amocrm.com va kommo.com akkauntlari ulanadimi?
Ha, uchalasi ham. Ulanish uchun akkaunt manzili va uzoq muddatli token kerak; token amoCRM’da shaxsiy integratsiya ichida olinadi va platformada shifrlangan holda saqlanadi. Bitta loyihaga bitta akkaunt ulanadi.
Sayt formasidagi arizalar amoCRM’ga tushadimi?
Yo‘q. Platformaning sayt formalari faqat Bitrix24 va capiCRM’ga yozadi. Saytingiz arizani amoCRM’ga o‘zi yuborsa, platforma o‘sha bitimni amoCRM’dan o‘qiydi, UTM bo‘yicha reklamaga bog‘laydi va bosqich o‘zgarganda Meta’ga signal yuboradi.
amoCRM’dagi eski bitimlar Meta’ga yuboriladimi?
Yo‘q. Ulanganda oxirgi 30 kunlik tarix faqat hisobotga yuklanadi. Signal ulangandan keyin belgilangan bosqichga kirgan bitimlar bo‘yicha ketadi; 7 kundan eski voqealar umuman yuborilmaydi — Meta ularni qabul qilmaydi.
Kommo’ning o‘z Meta CAPI integratsiyasi bor-ku. CAPI Platform nimaga kerak?
Kommo hujjatiga ko‘ra, uning integratsiyasi Instagram, Messenger va WhatsApp Cloud API manbalari uchun ishlaydi va ikki event yuboradi: Lead va Purchase. CAPI Platform lid forma lidlari bilan ishlaydi, QualifiedLead’ni ham yuboradi va natijani reklama xarajati yonida, kreativ kesimida ko‘rsatadi. Asosiy kanalingiz yozishma bo‘lsa — Kommo’ning integratsiyasi mos; lid forma bo‘lsa — CAPI Platform.
amoCRM’ni ulash qancha vaqt oladi va qancha turadi?
Biz ulab bersak — 3 kun: 1-kuni amoCRM ulanadi va 30 kunlik tarix yuklanadi, 2-kuni bosqichlar siz bilan birga signallarga bog‘lanadi, 3-kuni sinov signali ketadi. O‘rnatish 159 $ bir marta (lid integratsiyasi shu narxga kiradi), keyin oyiga 40 $: CAPI, hisobot, Telegram hisobotlar va oyiga 4 000 lidgacha lid integratsiyasi. Batafsil: narxlar.
Manbalar
Kommo haqidagi ma’lumotlar uning o‘z sahifalaridan olingan; 09.10.2026 da tekshirilgan.
amoCRM’dagi sotuvlar Meta’ga qaytsin
Google akkauntingiz bilan ro‘yxatdan o‘tib, amoCRM va Meta’ni o‘zingiz ulang — yoki ariza qoldiring: 3 kunda ulab beramiz. O‘rnatish 159 $ bir marta, keyin oyiga 40 $.