capiCRM — reklama arizalari uchun oddiy CRM tizimi
CRM — har bir mijoz arizasi, unga kim va qachon qo‘ng‘iroq qilgani hamda ish sotuv bilan tugagan-tugamagani yozib boriladigan tizim. U arizalari Excel, daftar yoki Telegram guruhida yuradigan biznesga kerak. capiCRM — CAPI Platform (capip.uz) ichidagi oddiy CRM tizimi: Meta lid formasi va saytdan kelgan ariza o‘zi lid bo‘lib ochiladi, sifatli lid bitta tugma bilan bitimga aylanadi, bosqich o‘zgarishi hisobotga tushadi, belgilangan bosqich esa Meta’ga signal yuboradi.
- Lidlar → Bitimlar: kanban yoki ro‘yxat ko‘rinishida
- Meta lid formasi va sayt arizalari o‘zi tushadi — reklamasi bilan
- Har bir yangi lidga vazifa: 15 daqiqa ichida qo‘ng‘iroq
- Sotuv menejeri faqat CRM’ni ko‘radi: crm.capip.uz
- yangi lidga qo‘ng‘iroq vazifasining muddatimuddati kelganda Telegram’ga eslatma
- 15 daqiqa
- sifatli lid bitimga aylanadikontakt, reklama, javoblar va vazifalar bilan
- 1 tugma
- Meta’ga ketadi: Lead, QualifiedLead, Purchasebosqich o‘zgarganda, Conversions API orqali
- 3 signal
CRM nima va u kimga kerak?
CRM (Customer Relationship Management) — mijozlar bilan ishlash tizimi. Unda har bir ariza alohida kartochka bo‘lib ochiladi: kontakt, ariza qayerdan kelgani, mas’ul xodim, keyingi vazifa va bitim bosqichi bir joyda turadi.
Vazifasi ikkita: hech bir ariza javobsiz qolmasin va har bir sotuv qayerdan kelgani ma’lum bo‘lsin. Excel va Telegram guruhi arizani saqlaydi, lekin kimga qayta qo‘ng‘iroq qilish kerakligini eslatmaydi va sotuvni reklamaga bog‘lamaydi.
CRM kerak bo‘lganini shu belgilardan bilasiz:
- Arizalar Excel, daftar yoki Telegram guruhida — kim kimga qo‘ng‘iroq qilgani ko‘rinmaydi.
- Mijoz «o‘ylab ko‘raman» dedi — va unutildi: eslatadigan hech narsa yo‘q.
- Sotuv bo‘ldi, lekin mijoz qaysi reklamadan kelgani noma’lum.
- Bitta mijozga ikki menejer qo‘ng‘iroq qiladi — yoki hech kim qilmaydi.
- Oy oxirida nechta ariza sotuvga aylanganini sanab bo‘lmaydi.
Atamalar: lid — ariza qoldirgan odam; sifatli lid — sotuv bo‘limi «mijoz bo‘lishi mumkin» deb tasdiqlagan lid; sotuv voronkasi — lid sotuvgacha bosib o‘tadigan bosqichlar.
Ariza keldi. Unga kim qo‘ng‘iroq qildi?
CRM yo‘q joyda bu savolning javobi uch joyga sochilgan bo‘ladi.
Yozishma — tasvir uchun. capiCRM’da har bir ariza mas’uli va vazifasi bilan ochiladi, muddati kelgan vazifa haqida Telegram chatiga eslatma keladi, Meta lid formasidan kelgan lidning sotuvi esa hisobotda o‘z e’loniga yoziladi.
- Kechagi arizalarning hammasiga qo‘ng‘iroq qilindimi?
- MenejerExcel’dagilariga — ha. Telegram guruhiga tushganlarini ikkinchi menejer olgan edi, bilmadim.
- «O‘ylab ko‘raman» degan mijozga qayta qo‘ng‘iroq qilinishi kerak edi-ku?
- MenejerYozib qo‘ymagan ekanman, esimdan chiqibdi.
- Bu oy nechta ariza sotuvga aylandi va qaysi reklamadan?
- MenejerAniq ayta olmayman, sanab chiqish kerak.
Ariza capiCRM’da qanday yo‘l bosadi?
Tartib Bitrix24’dagiga o‘xshash: avval Lidlar, keyin Bitimlar. Har birining o‘z voronkasi bor.
- 1
Ariza lid bo‘lib ochiladi
Meta lid formasidagi va saytingiz formasidagi arizalar o‘zi tushadi: ism, telefon, forma javoblari va odam qaysi reklamadan kelgani bilan. Qo‘ng‘iroq, Instagram yoki Telegram orqali kelgan murojaatni «Yangi lid» tugmasi bilan qo‘shasiz. Batafsil — lid integratsiyasi.
- 2
Mas’ul va birinchi vazifa qo‘yiladi
Lid o‘z formasining sozlamasida tanlangan xodimga, tanlanmagan bo‘lsa — siz belgilagan menejerlarga navbat bilan beriladi. Lidga darhol vazifa qo‘yiladi: 15 daqiqa ichida qo‘ng‘iroq qilish. Bu avtomatikani o‘chirib qo‘yish mumkin.
- 3
Menejer qo‘ng‘iroq qiladi va natijani yozadi
Qo‘ng‘iroq natijasi bitta bosish bilan belgilanadi: gaplashildi, javob bermadi, band, noto‘g‘ri raqam. Lidga izoh yoziladi, keyingi qo‘ng‘iroq vazifa qilib qo‘yiladi. Lid bosqichlari: «Yangi» → «Bog‘lanildi» → «Qayta qo‘ng‘iroq».
- 4
Sifatli lid bitimga aylanadi
«Bitimga aylantirish» tugmasi lidni sifatli deb yopadi va bitim ochadi. Kontakt, reklama, forma javoblari va ochiq vazifalar bitimga o‘tadi, lid tarixi bitimda ko‘rinib turadi. Sifatsiz lid o‘z bosqichiga o‘tadi va bitimga aylanmaydi.
- 5
Bitim sotuvgacha boradi
Standart voronka: «Yangi bitim» → «Uchrashuv» → «Taklif yuborildi» → «To‘lov kutilmoqda» → «Sotildi» yoki «Yo‘qotildi». Yo‘qotilgan bitimga sabab tanlanadi: qimmat, javob bermadi, boshqa joyni tanladi, kerak emas, keyinroq — yoki o‘z so‘zingiz bilan.
capiCRM ichida nima bor?
Sotuv bo‘limiga har kuni kerak bo‘ladigan narsalar — ortiqcha modullarsiz. Interfeys o‘zbek, rus va ingliz tillarida.
Kanban va ro‘yxat
Lid yoki bitim kartasi bosqichdan bosqichga suriladi yoki jadval ko‘rinishida ochiladi. Kartada — mijoz, yashirilgan telefon, reklama yoki manba va eng yaqin vazifa. Ism, telefon yoki raqam bo‘yicha qidiruv; «Meniki» va «Mas’ulsiz» filtrlari.
Vazifalar va eslatmalar
Har bir lid va bitimga vazifa qo‘yiladi: nima qilish, qachon va kimga. «Vazifalar» sahifasida — muddati o‘tgan, bugungi va keyingi kunlardagi vazifalar. Muddati kelgan vazifa haqida loyihaning Telegram chatiga eslatma keladi.
BatafsilQo‘ng‘iroq natijalari va izohlar
Karta tarixida — har bir qo‘ng‘iroq o‘z natijasi bilan, izohlar va bosqich o‘zgarishlari. «Qo‘ng‘iroq», Telegram va WhatsApp tugmalari mijoz raqamini bir bosishda ochadi; bular havola, telefoniya emas.
Navbat bilan taqsimlash, takrordan ogohlantirish
Yangi lidlar siz belgilagan menejerlarga navbat bilan beriladi. Qo‘lda qo‘shayotganda shu raqamli ochiq lid yoki bitim bo‘lsa, capiCRM ogohlantiradi va uni ochishni taklif qiladi.
O‘z voronkalaringiz
Bosqichlarning nomi, tartibi va rangi o‘zgartiriladi, yangilari qo‘shiladi. Bitim voronkasi bir nechta bo‘lishi mumkin — masalan, har bir yo‘nalish uchun alohida.
Kontaktlar shifrlangan holda saqlanadi
Ism, telefon, email, forma javoblari, izohlar va vazifa matnlari platformada shifrlangan holda turadi. «Kuzatuvchi» roli telefonni yashirilgan ko‘rinishda ko‘radi: +99890*67.
Batafsil
Kim nimani ko‘radi?
Sotuv bo‘limiga reklama byudjeti kerak emas. «Sotuv menejeri» roli faqat capiCRM’ni ochadi — o‘z manzilida: crm.capip.uz. Jamoaga odamlar taklif havolasi orqali qo‘shiladi.
| Rol | Lid va bitimlar | To‘liq telefon, javoblar, izohlar | Reklama va hisobot | capiCRM sozlamalari |
|---|---|---|---|---|
| Ega, admin | Ishlaydi | Ko‘radi | Ko‘radi | O‘zgartiradi |
| A’zo | Ishlaydi | Ko‘radi | Ko‘radi | O‘zgartiradi |
| Sotuv menejeri | Ishlaydi | Ko‘radi | Ko‘rmaydi | Yo‘q |
| Kuzatuvchi | Faqat ko‘radi | Yo‘q: telefon yashirilgan (+99890*67) | Ko‘radi | Yo‘q |
Ega barcha loyihalarni ko‘radi; qolganlarga — adminga ham — hammasi yoki faqat tanlangan loyihalar ochiladi. crm.capip.uz — o‘sha platforma va o‘sha kirish: u yerda faqat capiCRM sahifalari ochiladi, qolgan hammasi asosiy manzilda — capip.uz.
Bosqich o‘zgardi — hisobot ham, Meta ham biladi
capiCRM platformaning ichida ishlaydi, shuning uchun unga token ham, webhook ham kerak emas. Menejer lidni keyingi bosqichga o‘tkazishi bilan hisobot yangilanadi, belgilangan bosqichda esa Meta’ga Conversions API signali ketadi — loyihaga Meta reklama akkaunti ulangan bo‘lsa. Qaysi bosqich sifatli lid, qaysi biri sotuv ekani «Voronka» sahifasida belgilanadi.
- Standart sozlama: yangi lid —
Lead, bitimga aylangan lid —QualifiedLead, «Sotildi» bosqichi —Purchase - Bitta lid bo‘yicha har bir signal bir marta ketadi, bosqich oldinga-orqaga surilsa ham
- Bitimga summa kiritilgan bo‘lsa,
Purchaseshu summa bilan ketadi - Lid va undan ochilgan bitim hisobotda bitta odam sifatida sanaladi
- Telefon va email Meta’ga faqat SHA-256 xesh ko‘rinishida boradi, ism yuborilmaydi
capiCRM yoki Bitrix24 / amoCRM: qaysi biri sizga mos?
CAPI Platform’ning asosiy ishi — hisobot, CAPI signallari va lidlarni yetkazish — uchala CRM bilan bir xil ishlaydi. Farq CRM’ning o‘zida.
| Vaziyat | Tanlov | Nega |
|---|---|---|
| CRM yo‘q: arizalar Excel, daftar yoki Telegram guruhida | capiCRM | Ulaydigan narsa yo‘q: loyihada CRM sifatida capiCRM tanlanadi, lid va bitim voronkalari tayyor ochiladi. |
| Arizalar Meta lid formasi va saytdan keladi, sotuv telefon orqali bo‘ladi | capiCRM | Ikkala manba ham o‘zi tushadi, har bir lidga qo‘ng‘iroq vazifasi qo‘yiladi. |
| Bitrix24 yoki amoCRM allaqachon ishlayapti, jamoa o‘rgangan | O‘z CRM’ingizda qoling | Ko‘chish shart emas: platforma unga ulanadi va bosqichlarni o‘sha yerdan o‘qiydi — Bitrix24, amoCRM. |
| CRM ichida telefoniya va qo‘ng‘iroq yozuvi yoki WhatsApp va Instagram Direct yozishmalari kerak | Shu imkoniyatlari bor CRM | capiCRM’da bular yo‘q: qo‘ng‘iroq natijasi qo‘lda belgilanadi, Telegram va WhatsApp — faqat havola tugmalari. Direct’dan kelgan murojaat qo‘lda qo‘shiladi va hisobotda e’lon bo‘yicha emas, kanal bo‘yicha turadi. |
| Hisob-faktura, ombor, hujjatlar yoki murakkab avtomatika kerak | Shu imkoniyatlari bor CRM | capiCRM faqat lid, bitim va vazifalarni yuritadi. Avtomatikasi bitta: yangi lidga qo‘ng‘iroq vazifasi. |
| Sayt arizalari ham CRM’ga tushishi kerak | capiCRM yoki Bitrix24 | Saytdagi forma arizalarini platforma amoCRM’ga yubormaydi. |
Bitta loyihaga bitta CRM ulanadi; platforma Bitrix24 va amoCRM bilan ham ishlaydi. capiCRM’dan boshqa CRM’ga o‘tganda yozuvlar o‘zi ko‘chmaydi — yaqinda kattaroq CRM kerak bo‘lishini bilsangiz, o‘shandan boshlang.
Yana nimalarni ko‘rish mumkin
Lid integratsiyasi
Meta lid formasidagi ariza CRM’ga qanday tushadi: webhook, har daqiqalik tekshiruv, takrorsiz.
Kreativlar bo‘yicha hisobot
Har bir e’lon bo‘yicha xarajat, lid, sifatli lid va sotuv.
Integratsiyalar
CRM’ingiz bormi? Bitrix24 va amoCRM shu platformaga ulanadi.
Marketing va sotuv bahsi
«Lidlar sifatsiz» degan bahsni CRM raqamlari bilan hal qilish.
Savol-javob
capiCRM Bitrix24 yoki amoCRM o‘rnini bosadimi?
Lid, bitim va vazifalarni yuritish uchun — ha. Qo‘ng‘iroq yozuvi bilan telefoniya, CRM ichidagi messenjer yozishmalari, hisob-faktura yoki ombor kerak bo‘lsa — yo‘q: capiCRM’da bular yo‘q. CAPI Platform Bitrix24 va amoCRM bilan ham ishlaydi, shuning uchun hisobot va Meta’ga ketadigan signallar CRM tanloviga bog‘liq emas.
capiCRM’ni qanday yoqaman?
Loyihaning «Ulanishlar» bo‘limida CRM sifatida capiCRM’ni tanlaysiz. Token ham, webhook ham kerak emas: lid va bitim voronkalari standart bosqichlar bilan ochiladi. Keyin Meta reklama akkauntini ulaysiz, menejerlarni «Sotuv menejeri» roli bilan taklif qilasiz, lid formalarni yoqasiz, saytingiz bo‘lsa — uning formasini qo‘shasiz. Ulashni biz qilsak, bu o‘sha 3 kun ichiga kiradi.
Meta lid formasi va saytdagi arizalar capiCRM’ga qanday tushadi?
Lid forma «Lid formalar» sahifasida yoqiladi: shu paytdan boshlab uning lidlari capiCRM’da ochiladi — Meta webhook’i orqali, zaxira uchun platforma formalarni har daqiqada o‘zi ham tekshiradi. Sayt uchun capiCRM forma manzilini beradi: sayt unga ism, telefon va qolgan maydonlarni yuboradi, kuzatuv kodi esa UTM belgilari va fbclidni qo‘shadi. Batafsil — lid integratsiyasi.
Qo‘ng‘iroq qilgan yoki Direct’ga yozgan mijozni qo‘shsa bo‘ladimi?
Ha, «Yangi lid» tugmasi yoki «Tez qo‘shish» orqali: ism, telefon va manba — qo‘ng‘iroq, Instagram, Telegram, WhatsApp, sayt, tavsiya yoki o‘zi kelgan. Bunday lid hisobotda kanal bo‘yicha turadi: e’longa avtomatik faqat Meta lid formasidagi lidlar va UTM belgilari reklamani ko‘rsatgan sayt arizalari bog‘lanadi.
Sotuv menejeri reklama xarajati va hisobotni ko‘radimi?
Yo‘q. «Sotuv menejeri» roli faqat capiCRM’ni ochadi: lidlar, bitimlar va vazifalar. Reklama, hisobot, ulanishlar va sozlamalar unga ko‘rinmaydi. Odatda u crm.capip.uz manzilida ishlaydi.
Mijozlarning telefon raqamlari qanday saqlanadi?
capiCRM kontaktlari — ism, telefon, email, forma javoblari, izohlar va vazifa matnlari — platformada shifrlangan holda saqlanadi. «Kuzatuvchi» roli telefonni yashirilgan ko‘rinishda ko‘radi (+99890*67), javoblar va izohlarni esa ko‘rmaydi. Meta’ga telefon va email faqat SHA-256 xesh ko‘rinishida boradi, ism yuborilmaydi. Batafsil — maxfiylik siyosatida.
capiCRM qancha turadi?
capiCRM’ning alohida narxi yo‘q: u CAPI Platform’ning bir qismi, loyiha ishlaydigan uchta CRM’dan biri. Platforma narxi — bir marta 159 $ (3 kunda ulash), keyin oyiga 40 $: CAPI, hisobot, Telegram hisobotlari va oyiga 4 000 tagacha lid integratsiyasi. Shartlar — narxlar sahifasida.
Keyin Bitrix24 yoki amoCRM’ga o‘tsa bo‘ladimi?
Ha. Loyihaga bitta CRM ulanadi: hozirgisi uziladi va yangisi ulanadi. capiCRM’dagi lidlar, bitimlar, izohlar va vazifalar uzilganda saqlanib qoladi va capiCRM qayta yoqilsa qaytadi, lekin boshqa CRM’ga o‘zi ko‘chmaydi.
CRM’ingiz yo‘qmi? capiCRM’dan boshlang
Google akkauntingiz bilan ro‘yxatdan o‘ting, loyiha oching va CRM sifatida capiCRM’ni tanlang. Yoki ism va telefoningizni qoldiring — Meta, capiCRM va signallarni 3 kunda ulab beramiz: bir marta 159 $, keyin oyiga 40 $.