Event Match Quality (EMQ)
Event Match Quality (EMQ) — Meta’ning 10 ballik bahosi: server orqali yuborilgan event bilan kelgan mijoz ma’lumoti uni Meta akkauntiga bog‘lashga qanchalik yaroqli ekanini ko‘rsatadi. Baho Meta Events Manager’da ko‘rinadi va lid sifatini emas, moslikni o‘lchaydi.
Yana shunday yoziladi: EMQ, Event Match Quality, event match quality, moslik sifati, event moslik sifati, eventlar mosligi sifati, мослик сифати, качество сопоставления событий, качество совпадения событий
EMQ qanday hisoblanadi?
Meta hujjatiga ko‘ra, baho uch narsadan chiqadi: event bilan qaysi mijoz ma’lumoti parametrlari kelgani, ularning sifati va eventlarning necha foizi Meta akkauntiga bog‘langani. U real vaqtda hisoblanadi.
EMQ nimadan oshadi?
Meta tavsiyasi: qo‘shimcha mijoz ma’lumoti parametrlarini yuborish EMQ’ni oshirishi mumkin. Meta ro‘yxatidagi kalitlardan lid bilan ishlaydigan biznesga keraklilari:
| Kalit | Meta parametri | Qanday yuboriladi |
|---|---|---|
| Telefon | ph | SHA-256 xeshi; raqam davlat kodi bilan, belgilarsiz |
em | SHA-256 xeshi | |
| Meta lid ID’si | lead_id | Xeshlanmaydi; lid formadan kelgan lidning 15–17 xonali ID’si |
| Reklama bosilishi ID’si | fbc | Xeshlanmaydi; saytdagi _fbc cookie’dan |
| Brauzer ID’si | fbp | Xeshlanmaydi; saytdagi _fbp cookie’dan |
CAPI Platform Meta’ga shularni yuboradi: telefon va e-mail xeshi, Meta lid ID’si, _fbc va _fbp, xeshlangan ichki ID. Ism yuborilmaydi.
Misol: bitta telefon raqami va 2 103 ta lid
Meta talabi: xeshlashdan oldin raqamdan belgilar va boshidagi nollar olib tashlanadi, davlat kodi qo‘shiladi. CRM’da raqam “90 123 45 67” deb yozilgan bo‘lsa, CAPI Platform uni 998901234567 ga keltiradi (9 xonali raqamga 998 qo‘shiladi) va shundan keyin xeshlaydi. Meta hujjatida aytilishicha, davlat kodisiz raqam moslashtirishda ishlatilmaydi.
Lid forma lidlari uchun Meta birinchi navbatda lid ID’sini so‘raydi; u bo‘lmasa — bosish ID’si, telefon yoki e-mail. Ikki loyihada CAPI Platform CRM’ga 2 103 ta lid forma lidini yetkazgan (08.10.2026 holatiga). Ularning ID’si platformada bor: lid sifatli lidga yoki sotuvga aylanganda event shu ID bilan ketadi.
Savol-javob
EMQ’ni qayerda ko‘raman?
Meta Events Manager’da, Conversions API orqali kelgan veb-eventlar yonida. CAPI Platform EMQ’ni ko‘rsatmaydi: uning eventlar jurnalida har bir signalning holati turadi — navbatda, yuborildi, xato yoki o‘tkazib yuborildi.
Lid forma bilan ishlasam, qaysi kalit muhim?
Meta lid ID’si — Meta har bir lid forma arizasiga beradigan 15–17 xonali raqam. Meta hujjati uni CRM’da saqlashni so‘raydi. Lidni CRM’ga CAPI Platform yetkazsa, ID platformada qoladi va CRM’dagi natija shu ID bilan Meta’ga qaytadi.
Lidda hech qanday kalit bo‘lmasa-chi?
Telefon, e-mail, Meta lid ID’si va fbcliddan birortasi ham bo‘lmasa, CAPI Platform eventni yubormaydi va sababini eventlar jurnalida ko‘rsatadi: bunday eventni Meta baribir hech kimga bog‘lay olmaydi.
Bog‘liq atamalar va sahifalar
- Conversions API (CAPI)Conversions API (CAPI) — Meta’ning server interfeysi: biznes sayt yoki CRM’dagi hodisalarni — lid, sifatli lid, sotuv — brauzersiz, serverdan to‘g‘ridan-to‘g‘ri Meta’ga yuboradi. Meta shu signallar bo‘yicha Facebook va Instagram reklamasini o‘lchaydi va optimallashtiradi.
- Meta Pixel (Facebook Pixel)Meta Pixel (Facebook Pixel, piksel) — sayt sahifalariga qo‘yiladigan JavaScript kodi: u tashrif buyuruvchining brauzerida ishlaydi va saytdagi harakatni — sahifa ochilishi, tugma bosilishi, forma yuborilishini — Meta’ga event qilib yuboradi. Saytdan tashqarida bo‘lgan narsani Pixel ko‘rmaydi.
- Lid forma (Meta Instant Form)Lid forma (Meta Instant Form) — Facebook yoki Instagram reklamasining o‘zida ochiladigan ariza formasi: odam saytga o‘tmasdan ismi, telefoni va savollarga javobini qoldiradi. Har bir ariza Meta’da o‘z lid ID’si bilan saqlanadi.
- Atributsiya (lidni reklamaga bog‘lash)Atributsiya — lid yoki sotuvni uni keltirgan reklamaga (kampaniya, ad set, e’lon) bog‘lash. Usiz xarajat reklama kabinetida, sotuv CRM’da alohida turadi va qaysi kreativ pul keltirgani ko‘rinmaydi.
- Conversions APIConversions API (CAPI) nima, Pixel’dan farqi nimada va CRM’dagi sifatli lid hamda sotuv Meta’ga qanday yuboriladi: uchta signal, jadval va real raqamlar.
- Saytsiz Conversions API: lid forma va CRM bo‘lsa, CAPI qanday ulanadi?Sayt yo‘q, faqat lid forma va CRM bormi? Conversions API shunda ham ishlaydi: Meta lid ID’si — kalit, CRM bosqichi — signal. Meta talablari, qadamlar va muddatlar.
- Facebook Pixel va Conversions API: farqi nimada va qaysi biri kerak?Pixel saytdagi harakatni ko‘radi, Conversions API CRM’dagi sotuvni yuboradi. Taqqoslash jadvali, avtomaktabning haftalik raqamlari va CRM bo‘lsa CAPI’ni ulash tartibi.
Yangilandi:
CAPI’ni 3 kunda ulab beramiz
159 $ bir marta, keyin oyiga 40 $. Lid integratsiyasi shu narx ichida.